Üsi Lagertäg

Määnti 24. Ougschte

Hüt simer vo Signou uf Stans greist. Mir si am morge am viertu ab 9i z Signou abgfahre u z Stans öppe ume mittag ume aacho. Ds Lagerhuus u d Umgäbig vo däm gfaut üüs veiechlii. När himer Zimmer iigrichtet u si speter scho app ufe Dorf-OL vo Stans. Ds het e mega guete Iidruck vo dere chliine Stadt gä. Mir hi zum Bispiu ds Winkelrieddenkmau gseeh u hi mit däm no es Foto nachegmacht (ds wär de ungernache zum aluege.) Vorem Znacht simer no es Stüngli chli ga luufe. Ds het no guet taa u d Ussicht isch haut schono schöön gsii.

Zum Znacht himer Spaghetti mit verschidene Sossene ghaa. Meeeega fein gsii!!! Nachem znacht himer no e Spiuabee gha😄

Ussicht uf Stans u ufe Vierwaudstättersee

üses nachegsteute biud vom Winkelrieddenkmau

25. Ougschte

Hüt simer nachem Zmorge, i z'Museum "Salzmagazin", wo grad näb dr Taustation vom Stanserhorn steit, gangä. Dert heimer e Workshop überä schwizer Mundart dörfe absolviere. Es ish sehr amüsant und spannend gsi! Am Namittag himernis när ufe wäg zum Vierwaudstättersee bim Strandbad Stansstad gmacht. Dert simer när chly gah bädele. Es ish zwar chaut gsi u es het ÜBERAU Seegras gha abr es ish gliich luschtig gsi. Z'Abeeprogramm himernis säuber chönne zämästeue.😄

zersch isch z Wätter no nid so toll gsii

Mittwuch 26. Ougschte

Hüt simer nachem z‘morge mitem Zug u Poschii nach „Bürgestock Zentrum" gfahre. När simer zum Hametsschwandlift glüffe, dr Lift isch sehr höch gsii. Mr si mitem Lift ache gfahre. Dert simr när no bis Ennetbürgen glüffe u iz Strandbad gange. Z Wasser isch nachem Wandere sooo agnääm gsii. Mitem Poschii simr när ume zrugg cho. Mir 3 si när no chli im Dorf ga chille. Zum Znacht himer feini Böörger ghaa. Drzue himer Countrycuts u Räste vo Spaghetti gnosse. D Spaghetti si aber nid so beliebt gsii. Nachem z‘nacht himr no ä Fium gluegt.

ussicht vom Bürgestock, bim Hämmetschwandlift

Donnsti 27. Ougschte

Hüt simr nachem z'Morge mitem Zug uf Luzern gfahre. Vo dert us simr ca. 30 minute zum Verchershuus gloffe. Im Verchershuus himr viu spannendii Sache dörfe gseh. Am See himr när z'Mittag gässe. Am vierii simer när mitem Zug uf Luzern gfahre u schliesslech bis uf Stans. Vorem z'Nacht simr no gah Disc - Golf spiele. Ds isch sones Spiili mit Frisbies u när muesme sone Chorb priiche. Es het Äuplermaggeroni und Öpfumues z'Nacht gäh, es isch sehr fein gsii. Nachem z'Nacht himr när no chli für üs Ziit gha. Schliesslech himer no Dessär gschnouset.

während üsem Fuessmarsch zum Verkehrshuus himer e schöne Blick uf d'Stadt Luzern ghaa

Im Verkehrshuus hets sone Outoussteuig gha, ds isch e favorit vo Leonie

Friti 28. Ougschte

So, dr letscht Tag isch hie😐 Nachäre emotionale Nacht (ömu bide Meitli), heimer üsi Sache müesse zämäpacke u z'ganze Lagerhuus putze. Es hetnis aui mega aagschisse widr heizgah. I üsem Zimmer himer no es Missgschick gfunge...abr da sägemr itz nüt drzue😂🤫 Womer aues einigermasse hei suber gha, himer no es chlyses Lotto gspiut. Schlussändlech hei aui es Priisli becho😅 Nächer himernis ufe Wääg zum Bahnhof gmacht. Im Zug himer när no amüsanti Gschpräch gfüehrt. Daheime aacho, heimer aune no e Applous gäh u si hei. Es ish mega schön gsi..